31. WHILE SHEPHERD WATCHED THEIR FLOCKS
Ŋunhi wäyin-djäkamirrinydja Gana ḏiltjiŋura nhinana, Ŋunhi dhäwumirri Godkuŋunydja Walalaŋgala dhunarrana. "Nhuma bäyŋu balaŋu barrarinydja," Ŋayi bitjarra waŋana, "Bili djulŋithinyamirri dhäwunydja Ŋarra nhumalaŋgu gäŋala. Bili ŋunhili Davidkala wäŋiya Dhawal-guyaŋana gäthura, Garray nhumalaŋgu wäwungunhara, Ŋunhi Davidkuŋu mala-bunhara. Ga nhuma yurru maḻŋ'marama Ŋunhi djiwarr'wuy yothunha, Ŋayi wäyingala buṉbuŋura, Ŋunhi mulmuŋura ŋorra ga." Ga waḏutja yäna bunana Mäypa dhäwumirrinydja, Ga buku-ŋal'yurruna Garraywala Ga bitjarra ḻiyamara. "Limurru Godnha buku-gurrpanna Ga wokthun mirithirrina, Ga yolŋu mala dhiyala Yurru nhina mägaya." |