49. A HYMN OF PRAISE
Limurru wokthunna Garraywu Djesuwa Ga mirithirri märr-yiŋgathirri, Bili nhanukala limurru goŋŋura, Ŋayi manymak djäkamirri, Ga nhanukiyinguŋu ŋuli limurru Birrimbirr maranhuyirri. Djesu bunana ŋayaŋu-milkarrimirriwa Märr dhu walala ŋoy-djulŋithirri; Ŋayi bunana bambaywu malawa Märr dhu walala maŋutjimirriyirri; Ga birrimbirr-rakunymirrinha ŋayi ŋuli ŋayathama Märr walala yurru walŋathirri. Limurru romŋuru yätjŋuru bilyunna Ga ŋanyapinya märr-yuwalkthirri, Bili ŋoy-guŋga'yunamirri Djesunydja Ga maŋutji-wuyunamirri, Ga ganydjarr nhanŋu ḏumurru dhärra ga nininyŋu Bitjan yäna bili. Tune: Sheltered Dale (MHB 588) |